Dëse Samschden ass schon de GamingCafé Oktober 2018 – Birthday Edition!

Net vergiessen, et ass onse 7ten Gebuertsdag, dofir fänke mer schon um 2 Auer Mëttes un an et gëtt Kuch am Laf vum Owend! ?

Hei ass e klengen Iwwerbleck vun den Events, déi mir geplangt hunn:
– Tekken 7 Turnéier
– Soul Calibur Freeplay Station
– Neo Geo Mini
– Castlevania Rondo of Blood Speedcontest
– Super Mario Kart Challenge mam Madsplay
– Smash 4 2v2 by SweetSpot Asbl

Komm laanscht a Spill mat!

De Samschden mir och e klenge Photobooth Projet austesten.
Di flott Fotoen, di wärenddeem gemaach ginn, luede mir spéider op Facebook héich 🙂 ?

Méi genau Informatiounen zu den Events hei drënner:

Get ready for the next battle!
An dëser Editioun vum GamingCafé veranstalt de Fighting Game Corner en Tekken 7 Turnéier.
Et ass deen éischten Turnéier vun der zweeter Saison vum Spill an et ass interessant ze gesinn, wéi d’Spiller sech un di nei Balance Patches adaptéiert hunn.
D’Turnéier fänkt um 19:00 un an d’Aschreiwung ass sur place ab 14:00!
Who is going to be the next king of iron fist? 

Transcending history and the world, a tale of souls and swords, eternally retold.

De legendäre waffebaséierte Fighting Game mécht en neie Kapitel vun der Geschicht op a mir bréngen iech d’Action am Fighting Game Corner ! Loosst är Schwäerter kléngen a maacht mat bei der Soul Calibur VI Casual Session! Entdeckt a léiert d’Spill mat Hëllef vun de Leit aus der Fighting Game Community. 🙂

An dëser spezieller Editioun vum GamingCafé ass Retro-Action ugesot!!

Mir stellen iech d’Neo Geo Mini zu Verfügung, sou kënnt dir all d’Klassiker vun der legendärer Konsol unzocken an entdecken! Vu Metal Slug a Samurai Shodown bis Super Side Kicks an d’KOF, we got’em all 😉

Op wat waarts du? The Future is now!!!”

Am Thema Halloween, hu mer um GamingCafé Oktober e Castlevania: Rondo of Blood Speedcontest ?

Du bass e Fan vum Richter Belmont a wëlls him hëllefen e puer Monsteren ze slashen, da sich der e Matspiller a maach mat beim Speedcontest. Dat éischt 2er Team, dat am wäitste kënnt (Limit 1 Stonn) oder den Dracula am schnellste besiegt krit, gewënnt de Contest a kritt wonnerbar Präisser Iwwerrescht.

Den éischten Depart ass um 20 Auer an d’Aschreiwungen gi bis 21 Auer.

Du wolls dem Madsplay schon ëmmer weisen, dass du besser a Super Mario Kart bass?
Da komm de Samschden op de GamingCafé Oktober a mell dech fir d‘Super Mario Kart Challenge. De Start ass um 16 Auer!

Natierlech kommen och Smash 4 Fans net ze kuerz um GamingCafé Oktober ! SweetSpot Asbl organiséiert en 2v2, also huelt iech e Becky and ‘lemme smash’! Ronderëm 18 Auer geet et lass.

Niewebäi bréngt och de Benjamin 2 Melee Setups mat, och Melee Frënn kommen net ze kuerz!

Stellt är Grupp an Aktivitéite vir

Ganz egal ob der eng ASBL, en Team oder eng online Grupp repräsentéiert, mir bidden iech eng neutral Plattform, wou der d’Méiglechkeet kritt iech virzestellen a wou der op Leit stousse kënnt, déi ähnlech Interessen hunn.

D’Präsentatioun kënnt der gestalte wéi der wëllt, mat Video Powerpoint oder andeems der fräi schwätzt. All Grupp kritt ronn 10 Minutten, ofhängeg vun der Zuel vun de Gruppen, déi matmaachen.

Mir organiséieren dat Ganzt fir zukünfteg Kooperatiounen a Szeenen zu Lëtzebuerg besser vernetzen ze kënnen.

Eng éischt Aféierung maache mer um 19:30 fir d’Konzept ze erklären an um 20:00 wier déi éischt Grupp mat hirer Präsentatioun drun.

Merci fir d’Matmaachen!

Recap fir Muer um GamingCafé Juli 2018!

De Coin Collector ass erëm mat dobäi. Kommt Iech 2 Mënzen beim Comptoir sichen a probéiert am Ganzen 10 Mënzen ze erspillen fir e flotte Goodie aus eiser Wullkëscht ze wielen.

Am Fighting Game Corner erwaard Iech muer eng Villfalt vu Setups, mat engem Fokus op 2 nei Games: Fighting EX Layer a BlazBlue Cross Tag Battle.
Natierlech gëtt och en Turnéier veranstalt. Dir kënnt är Skills a Guilty Gear Xrd Rev2 ënner Beweis stellen! (Seriously though, what’s up with these names!?)

An zu gudder Lescht proposéiere mer Iech Mario Tennis Aces mat senge Virgänger ze vergläichen. Setups stinn niewenteneen an dir sidd natierlech net gezwongen nëmme Mario Tennis ze spillen.

Kommt laanscht a spillt mat!

Den Overwatch Contest (3v3) geet an déi nächst Ronn.

Umellen kënnt der Iech gratis hei och weider Informatiounen fannt.

Wann der Froen zum Contest hutt, kënnt der déi gären hei drënner oder op eisem Discord stellen.

Ab Haut sin Umellungen fir eis zwee nei Contests online. League of Legends an Overwatch. Dei zwou competitiounen falen méi kleng aus fir d’Konzept an Bereedwëllegkeet vun der Community anzeschätzen.

Relavant Informatiounen fann der zu allen Contests hei!