vglu Rocket League Contest, eng 2v2 Liga fir jiddwereen!

Posted on Leave a commentPosted in News

Mir si frou Iech haut eisen neiste Projet kennen ze annoncéieren, wou vill Aarbecht dran investéiert: vglu Rocket League Contest

Dëst ass eng 2v2 Liga, di iwwert 5 respektiv 6 Wochen Online ofgehale gëtt. Et ass also souzesoen den Nofolger vun der Rocket League 2v2 Pro Season, di am Ufank vum Joer ee grousse Succès bei eise Kollege vu LetzGame hat.

Ab haut starte mer mat den Umeldunge fir des Liga. An eisem Umeldungsformular fann der all wichteg Informatiounen zu eisem Contest: https://goo.gl/forms/d6RXc9bvR8uI14tx1

Dat komplett Rule-Set ass hei ze fannen: https://goo.gl/6rBrdT

Fir all weider Informatioune kuckt di nächst Deeg hei op eisem Site no ënnert der Rubrik Online Games/Events.

Umellen kennt dir Iech bis den 14. Mee! Ab dem 15. Mee geet den éischten Contest dann och schonn un!

D´Crew vu videogames.lu

 

D´Resultater vun der zweeter vglu Rocket League Night!

Posted on Leave a commentPosted in News

D´Rocket League Serveren hate leschte Samschde wuel net hire beschten Dag erwëscht (souguer Ënnerbriechungen am offizielle Rocket League Championship Series).
 
Während den Owend selwer an trotzdem hu mer no gutt 4 an enger hallwer Stonn d´Resultater vun der vglu Rocket League Night ewéi folgend gehat:
 
1. 11F N-Raged
2. Original Teamname
3. Elite Pandas eat Soul
 
De Lucky Loser Präiss goung un Team ParmeSun.
 
Gratulatioun un di 3 beschten Equippe vum Owend an och un de Lucky Loser. Mir soen och insgesamt deene 16 Equippen aka den 48 Spiller ee grousse Merci fir hiren Intressi an hoffe mer gesinn eis geschwënn nees an engem weideren Turnéier Owend op eisem Youtube Channel.
 
Di komplett Iwwersiicht vum Turnéier kennt der hei nokucken: http://challonge.com/vglurln2
 
De Replay vum Stream ass och ab elo disponibel: https://youtu.be/gaaa7t1uFmY
D´Crew vu videogames.lu

Gameland 2017

Posted on Leave a commentPosted in News

Gameland 2017 ass eng Collaboratioun tëschent deenen 2 gréissen Gaming Asbl´en aus dem Land: We Live Games an videogames.lu.
Zesummen bidden mir Iech zu Koplescht een 48 Stonnen Event an dat vum 7. Abrëll 18 Auer bis den 9. Abrëll 18 Auer.

Wat erwaart Iech op dësem Event?
-Een 48 Stonnen Stream-Plang mat Interaktiounen,
-5 grouss Turnéieren: Super Smash Bros. Melee, Super Smash Bros Wii U, Streetfighter V, King of the Fighters XIV an Tekken Tag Tournament 2.
-Divers Corners: Fighing Corner, Chill Corner, Workshops an villes méi.
-Eng Tombola, wou der kennt als Haaptpräis eng Nintendo Switch eng NES Mini a villes méi kennt gewannen
-ganz vill aaner kleng Iwweraschungen 😉

Fir Iessen a Gedrénks ass natierlech och gesuergt.

Fir di Leit di net kenne 48 Stonnen um Steck kennen do sinn presentéieren mer Iech hei Timetables vun deenen 3 Deeg:

Fir méi Informatiounen kuckt um Site vum Gameland laanscht: http://gameland.live/
Wann der Froen sollt hutt, stellt de hei an de Kommentare oder kuckt eng Kéier laanscht an eisem Facebook-Event: https://www.facebook.com/events/235352403601976/

Sidd der prett fir d´Gameland ? Da kommt dëse Weekend laanscht 😉

We Live Games & videogames.lu

 

vglu Rocket League Night 2 – Umellungen sinn op!

Posted on Leave a commentPosted in News

Den 22. Abrëll fënnt eis zweet Online Turnéier statt! Nodeems mer am November ee grousse Succès mat Rocket League haten hu mer eis dozou eng zweet Editioun dovunner och ze maachen mee des Kéier och mat enger grousser Erneierung: Gespillt gëtt am 3 versus 3 Modus, domadder ass et dat éischt Turnéier hei am Land wat sech och mam offiziellen Rocket League “Standard” Modus beschäftegt.

Mir sinn eis der Saach bewosst, dass vläicht een net ëmmer och een drëtten Spiller huet dowéinst starten mir elo ee Mount am viraus Umeldungen, fir dass Leit genuch Zäit hunn sech op eisem Discord Channel ze treffen an mateneen Teams ze grënnen!

Umellen kennt der Iech an dësem Formular: https://goo.gl/forms/o7hdf4X6h1vWBjrQ2

De ganzen Spaass fänkt den 22. Abrëll um 20 Auer un, Umellen kennt der Iech bis 18 Auer.

Di konkret Reegelen stinn och am Umeldungsformular, bei weider Froen stinn mer zur Verfügung!

D’Crew vu videogames.lu

GamingCafé Highlights – 11. Mäerz 2017

Posted on Leave a commentPosted in News

Den 11. Mäerz 2017 hate mir een vollen GamingCafé! 140 Leit waren zu Koplescht fir bei den Events ewéi dem Dead or Alive 5 Turnéier, de Link´s Crossbow Challenge a fir Nintendo Switch um zweeten Stack unzetesten an ze spillen.
Mir presentéieren Iech hei ewéi gewinnt nees ee GamingCafé Highlights Video, wou mer di beschte Fotoe vum Owend weisen:

Den nächsten GamingCafé wäert eréischt am Mee sinn, well am Abrëll hu mer eppes gaaanz Besonnesches fir Iech: Gameland 2017 gëtt zesummen mat eise Frënn vu We Live Games organiséiert an dat während 48 Stonnen laang!

Hei kennt der Facebook-Event Iech schonn ukucken: https://www.facebook.com/events/23535…

De Site vum Gameland: http://gameland.live/

Méi Informatioun zum Gameland kommen di nächst Woch och hei um Site no 😉
Komm laanscht a spill mat!

D’Crew vu videogames.lu