Gameland 2017

Posted Leave a commentPosted in News

Gameland 2017 ass eng Collaboratioun tëschent deenen 2 gréissen Gaming Asbl´en aus dem Land: We Live Games an videogames.lu.
Zesummen bidden mir Iech zu Koplescht een 48 Stonnen Event an dat vum 7. Abrëll 18 Auer bis den 9. Abrëll 18 Auer.

Wat erwaart Iech op dësem Event?
-Een 48 Stonnen Stream-Plang mat Interaktiounen,
-5 grouss Turnéieren: Super Smash Bros. Melee, Super Smash Bros Wii U, Streetfighter V, King of the Fighters XIV an Tekken Tag Tournament 2.
-Divers Corners: Fighing Corner, Chill Corner, Workshops an villes méi.
-Eng Tombola, wou der kennt als Haaptpräis eng Nintendo Switch eng NES Mini a villes méi kennt gewannen
-ganz vill aaner kleng Iwweraschungen 😉

Fir Iessen a Gedrénks ass natierlech och gesuergt.

Fir di Leit di net kenne 48 Stonnen um Steck kennen do sinn presentéieren mer Iech hei Timetables vun deenen 3 Deeg:

Fir méi Informatiounen kuckt um Site vum Gameland laanscht: http://gameland.live/
Wann der Froen sollt hutt, stellt de hei an de Kommentare oder kuckt eng Kéier laanscht an eisem Facebook-Event: https://www.facebook.com/events/235352403601976/

Sidd der prett fir d´Gameland ? Da kommt dëse Weekend laanscht 😉

We Live Games & videogames.lu

 

vglu Rocket League Night 2 – Umellungen sinn op!

Posted Leave a commentPosted in News

Den 22. Abrëll fënnt eis zweet Online Turnéier statt! Nodeems mer am November ee grousse Succès mat Rocket League haten hu mer eis dozou eng zweet Editioun dovunner och ze maachen mee des Kéier och mat enger grousser Erneierung: Gespillt gëtt am 3 versus 3 Modus, domadder ass et dat éischt Turnéier hei am Land wat sech och mam offiziellen Rocket League “Standard” Modus beschäftegt.

Mir sinn eis der Saach bewosst, dass vläicht een net ëmmer och een drëtten Spiller huet dowéinst starten mir elo ee Mount am viraus Umeldungen, fir dass Leit genuch Zäit hunn sech op eisem Discord Channel ze treffen an mateneen Teams ze grënnen!

Umellen kennt der Iech an dësem Formular: https://goo.gl/forms/o7hdf4X6h1vWBjrQ2

De ganzen Spaass fänkt den 22. Abrëll um 20 Auer un, Umellen kennt der Iech bis 18 Auer.

Di konkret Reegelen stinn och am Umeldungsformular, bei weider Froen stinn mer zur Verfügung!

D’Crew vu videogames.lu

GamingCafé Highlights – 11. Mäerz 2017

Posted Leave a commentPosted in News

Den 11. Mäerz 2017 hate mir een vollen GamingCafé! 140 Leit waren zu Koplescht fir bei den Events ewéi dem Dead or Alive 5 Turnéier, de Link´s Crossbow Challenge a fir Nintendo Switch um zweeten Stack unzetesten an ze spillen.
Mir presentéieren Iech hei ewéi gewinnt nees ee GamingCafé Highlights Video, wou mer di beschte Fotoe vum Owend weisen:

Den nächsten GamingCafé wäert eréischt am Mee sinn, well am Abrëll hu mer eppes gaaanz Besonnesches fir Iech: Gameland 2017 gëtt zesummen mat eise Frënn vu We Live Games organiséiert an dat während 48 Stonnen laang!

Hei kennt der Facebook-Event Iech schonn ukucken: https://www.facebook.com/events/23535…

De Site vum Gameland: http://gameland.live/

Méi Informatioun zum Gameland kommen di nächst Woch och hei um Site no 😉
Komm laanscht a spill mat!

D’Crew vu videogames.lu

GamingCafé Mäerz: Link’s Crossbow Challenge

Posted Leave a commentPosted in News

 

De Moment sidd der jo wahrscheinlech alleguerte schéi brav umgaangen d’Welt vu Breath of the Wild ze erkunden. Vu dass leschte Kéier NES Remix Challenge och sou gutt ukomm ass hu mer eis geduecht, wisou net eng weider Challenge Iech ze offréieren: Link’s Crossbow Challenge.

Ab 20 bis 22 Auer hutt dir 1 Training, souwéi 2 Versich jeeweils ze gutt fir äert Kennen ënnert Beweis ze stellen an di meeschte Punkten ze Score an deenen 3 Beräicher vu Level 1. Op de Gewënner waart och ee flotte Präis et lount sech also matzemaachen!

Bäi weider Froe kuckt eng Kéier laanscht an eisem Facebook Event!

D’Crew vu videogames.lu

GamingCafé Mäerz 2017: Dead or Alive Turnéier

Posted Leave a commentPosted in News

Nodeems et leschte Mount e bëssi méi roueg am Fighting Corner war huet d’ Dragon Burst Unite Community eis gefrot ob sie nees een Turnéier kéinten Organiséieren an zwar ee Spill wat mer bis elo nach net als Turnéier Thema haten: Dead or Alive 5 – Last Round!

Wien sech an deem Spill duelléiere well, dee kann dëst den 11. Mäerz um GamingCafé zu Koplescht maachen! Umelle kennt der Iech vun 18 bis 21 Auer an ab 21 Auer géif Turnéier dann am Fighting Corner stattfannen.

Déi konkret Reegele:

  • Ronnen: 2
  • Zäitlimit: 99 sec
  • Best out of 3
  • Double Elimination
  • Stagewahlt: Schnick, Scnack, Schnuck
  • Winners Finals, Losers Finals and Grand Finals : Best out of 5
  • Banned Stages: Lorelei/Halloween Lorelei: 1; Lost World; The Ends of Earth an Dangerzone: Off
     
    Fir flott Präisser ass natierlech och erëm gesuergt.

Bäi weider Froen kuckt eng Kéier an eisem Facebook-Event laanscht 😉

D’Crew vu videogames.lu