👊Let’s Fight👊 Video Serie

Posted Leave a commentPosted in News

Fir all ons Fighting Game Enthusiasten an déi, déi et nach wëlle ginn, präsentéiere mir Iech ons 👊Let’s Fight👊 Video Serie iwwer Fighting Games an d’Lëtzebuergesch Fighting Game Community. D’Videoe gi vun eise Crew Memberen Hrod an Alexein moderéiert an dat alles op Lëtzebuergesch.
Vill Spass!

Trailer:

Episod 1:

Hei présentéiere mir iech eis éischt Episode vun eiser neier Serie Let’s Fight. An dëser Episode geet et drëms ze erklären wat Let’s Fight genau ass a mir wierten och e kuerzen Moment iwwert de Kampfspill Boom hei zu Lëtzebuerg schwätzen.

Community Feedback!

Posted Leave a commentPosted in News

Mir siche motivéiert Leit déi Loscht an Zäit hunn Events mat ze organiséieren!

Mir plange fir 2018 méi lokal Events an online Competitiounen, fir d’Gamingszene am Land ze ënnerstëtzen. Wann dir also Loscht hutt mat enger Equipe zesummen ze schaffen, déi sech fir Gaming a Lëtzebuerg asetzt, da schreift eis un! Dir kënnt eis iwwer Facebook oder per Email erreechen, souwéi um Discord an natierlech och op engem vun eisen Events.

Ëmfro: https://goo.gl/forms/Mx5NEqoMSM5OAAY03

Natierlech wëlle mer och vun den Leit héieren déi bei eisen Events matmaachen, dofir géife mer eis freeë wann der eis sot wat mer nach besser maache kënnen! Dofir hunn mer wei all Joer eng kleng Ëmfro preparéiert, a soe scho jiddwerengem am viraus Merci deen sech bei eis mellt!

Rocket League Contest II – Conclusion

Posted Leave a commentPosted in News

Déi läscht Matcher goufen dës Woch gespillt, e puer free Wins waren och dobäi an domadder ass d’Season 2 vum Rocket League Contest eriwwer! Mir soen allen Teams op dëser Plaz Merci fir d’Matmaachen a gratuléieren de Gewënner vun den Divisiounen.

An der éischter Divisioun maache STASH déi eischt Plaz a gewannen 70€, gefollegt vun Original Teamname op der zweeter Plaz, déi dofir 55€ gewannen an op drëtter Plaz hunn mer Team Lëtzebuerg déi 40€ gewënnt!

An der zweeter Divisioun huet Duss-Team just en eenzege Match verluer a mëscht domadder eng zolidd éischt Plaz an kritt dofir 35€, dei zweet sinn Tyrannosaurusrekt a si kréien 30€.

An der drëtter Divisioun behaapten sech Judas Gaming a Güffi mat nëmmen engem knappe Virsprong fir Judasgaming, si gewanne 25€ an 20€ respektiv.

An der véierter Divisioun hunn mer Los Borgeiros op der éischter Plaz fir 15€ an Aero Busters op der zweeter Plaz fir 10€.

Mir soen och op dëser Plaz och den Admins Merci, dem BenDK, dem Pingu, dem slinet2 an dem Blackstar, souwéi dem SyfuxX fir d’Asprangen zum Schluss!

De genaue Stand vun den Tabelle fann der op eisem Site a mer hoffen dir freet Iech op déi nächst Season! Mir schreiwen déi eenzel Gewënner Teams un wat d’Präisser ugeet an dir héiert weider vun eis am RLC Chat am Discord!

GamingCafé Dezember 2017

Posted Leave a commentPosted in News

Dëse Samschden ass endlech erëm GamingCafé ugesot!

Well et wahrscheinlech e bësse mi roueg wäert gi virun de Feierdeeg, plange mer dës Kéier kee gréissert Turnéier, mee dofir awer e puer aner flott Events.

❄⛄? Dësweidere verkafe mir nieft dem Sloppy och Glühwäin! ❄⛄?

Rocket League: Snow Day Modus

Zum wanterleche Wieder organiséiere mer e klenge just-for-fun Rocket League Eck wou der zesummen de Snow Day Modus spille kënnt. An dësem Modus ass de Ball duerch en Hockey Puck ersat ginn. Well d’Spill jo viru kuerzem fir d’Nintendo Switch eraus komm ass, ass et eng gutt Geleeënheet fir de lokale Multiplayer ze testen! Bréngt dofir am beschten är Switch mat fir géint anerer ze spillen. Et ass och méiglech, dass der äre Laptop oder Konsol matbréngt, da kënne mer teste wéi gutt de Cross Play lokal funktionéiert.

 Fighting Games – Training Stages

Fir dës Éditioun vum GamingCafé féiert de Fighting Game Corner den „Training stage“ an.
Wéi den Numm et scho seet, handelt et sech ëm Training Sessiounen, bei deenen allméiglech Aspekter vun engem Kampfspill bäibruecht ginn.
Wann dir Schwieregkeete mat engem Kampfspill hutt oder einfach e neie Fighting Game ausprobéiere wëllt, dann zéckt net a schwätzt eis hëllefsbereet Kampfspillenthusiasten un. Et spillt keng Roll ob dir elo Ufänger oder scho méi Erfarung hutt. Jidderee kritt gehollef.
Egal ob dir elo e spezifesche Charakter léieren, eng bestëmmte Strategie asetzen oder einfach e ganz neie Fighting Game ausprobéiere wëllt, mir consideréieren all är Wënsch.
Elo froe sech déi méi gutt Spiller: „A wat spréngt fir mech dobäi eraus?“. Ma dir kënnt iech géigesäiteg erausfuerderen a soumat e bësse méi casual spillen. Sou léiert een och besser an et bréngt d’Fighting Game Community méi zesummen.
Iech stinn eng ganz Panoplie vu Kampfspiller zur Verfügung. Do ass fir jiddereen eppes dobäi, wéi Street Fighter V, Injustice 2, Tekken 7 an awer och déi méi al Spiller wéi Street Fighter 3rd strike, The King of Fighters 13, Darkstalkers a méi.
Och wann d’Vakanz gläich ugeet, sou kann een ëmmer nach eppes bäiléieren an natierlech kann een och einfach aus Spaass e Kampfspill ausprobéieren ouni direkt mat Notizblock a Bläistëft do optauchen ze mussen.

Mir freeën eis op är Participatioun an hannerloosst eis roueg e Kommentar, wann nach Froe sinn.
Learning by playing!

SmashCamp

Wéi gewinnt geet et an di nächst Ronn vum SmashCamp am Dezember.

Wéider Informatiounen

Bis geschwënn,
Crew vu videogames.lu

Game On! 10ten Dezember @Schungfabrik

Posted Leave a commentPosted in News

De Sonndeg organiséiere mir zesumme mat Social Gaming Luxembourg an der Spillfabrik e Gaming Day zu Téiteng an der Schungfabrik.
Während dir lauter flott Aktivitéite matmaache kënnt, an eng ganz Rëtsch Brietspiller ausprobéiere kënnt, stelle mir och e puer Setups am digitale Beräich!

  • HearthStone Fireside Gathering
  • HearthStone Standard Deck Turnéier
  • Windjammers
  • Super Smash Brothers for WiiU – 8 Player Smash Royale

Iwwert d’Woch maache mir Announcements zu dësen Events souwuel op eiser Facebook Säit wéi och op der Säit vum Event!